Կառավարության ավտոպարկը կկրճատվի
Կառավարության նիստում առաջին փոխվարչապետ Արարատ Միրզոյանը զեկուցեց,որ ՀՀ առաջին փոխվարչապետին և փոխվարչապետներին սպասարկող ավտոմեքենաների քանակը կկրճատվի՝ մինչև 2: Նա առաջարկեց բոլոր նախարարներին այս մոտեցմամբ վերանայել նախարարություններին սպասարկող ավտոմեքենաների ամբողջ պարկը: ԿԳ նախարար Արայիկ Հարությունյանն իր հերթին առաջարկեց նախարարությունների հետ աշխատել և վերանայել գործուղումների հարցը, քանի որ դրանք հաճախ տուրիստական շրջագայության են վերածվում: Փոխվարչապետ Մհեր Գրիգորյանը տեսակետ հայտնեց, որ կարելի է հանձնարարական տալ պետգույքի վարչությանը: Կառավարության նիստերում պետք չէ նման հարցեր քննարկել: Ես կողմ եմ , դեմ չեմ,ասաց նա: Վարչապետ Նիկոլ Փաշինյանը նշեց, որ ընթացակարգային խնդիր է, հարցը պետք է անցնի կառավարության նիստով. «Այս հարցերի հրապարակային քննարկումը վնաս չի բերում»:
