Դավութօղլուն անվտանգության խորհրդի նիստ է գումարում

Թուրքական Dünya Bülteni լրատվական կենտրոնի փոխանցմամբ՝ Թուրքիայի վարչապետ Ահմեթ Դավութօղլուն Անկարայում գումարում է անվտանգության խորհրդի նիստ՝ կապված Անկարայում հնչած պայթյունի հետ։ Դրան մասնակցելու են մի շարք նախարարներ, ինչպես նաև անվտանգության ոլորտի պատասխանատուներ։ Նիստն անցկացվելու է վարչապետի պաշտոնական նստավայրում։ Պայթյունը գրանցվել է այդ նստավայրից 200 մետր հեռավորության վրա։ Նախնական տվյալներով՝ ավտոբուսի հարևանությամբ պայթեցվել է պայթուցիկով լի ավտոմեքենա։ Պայթյունից հետո դեպքի վայր են ժամանել անվտանգության, շտապօգնության ու հրշեջ ծառայության աշխատակիցները։ Թուրքիայի անվտանգության ուժերի ներկայացուցիչները չեն բացառում, որ Անկարայի պայթյունին կարող է մասնակից լինել «Քրդստանի աշխատավորական» կուսակցությունը (PKK): Պայթյունի հետևանքով զոհվել է 27 և վիրավորվել է 75 մարդ։