Իսլամիստները բռնագրավել են Սիրիական ազատ բանակի զենքերը

«Ջեբհադ ան-Նուսրա» ահաբեկչական խմբավորման զինյալները հարձակվել են իշխանություններին ընդդիմադիր Սիրիական ազատ բանակի դիրքերի վրա և բռնագրավել են նրանց զենքը, այդ թվում նաև հակատանկային հրթիռները, հայտնել է Sky News Arabia-ն: «Ջեբհադ ան-Նուսրա»-ի զինյալները գրոհով գրավել են Սիրիական ազատ բանակի 13-րդ գնդի դիրքերը Սիրիայի հյուսիս-արևմուտքում գտնվող Իդլիբ քաղաքի մոտ: Գրոհի արդյունքում զինյալները մի քանի տասնյակ գերիներ են վերցրել, ինչպես նաև մեծ քանակությամբ զինամթերք: Նշվում է, որ Սիրիական ազատ բանակը հովանավորվում է արևմտյան երկրների կողմից, այն զինված է ամերիկյան հակատանկային հրթիռներով: Սիրիական ազատ բանակը մինչ այժմ չի մեկնաբանել իր դիրքերի վրա հարձակումը: