Կիևի ուժայինները կրակ են բացել

Կիևի ուժայիններն անցած մեկ օրում երկու անգամ կրակ են բացել Լուգանսկի Ժողովրդական Հանրապետության ոստիկանական ուժերի ուղղությամբ:«Արմենպրես»-ի հաղորդմամբ` այս մասին տեղեկացնում է ՏԱՍՍ-ը: Մասնավորապես, Կալինովկա շրջանի ուղղությամբ ուժայինները կրակել են ԲՄՊ տեսակի զենքերից և ԱԿՍ նռնականետիս: Բացի այդ, հրետակոծության է ենթարկվել նաև Կալինովո շրջանը: Շրջանի ոստիկանական բաժանմունքից հայտնել են, որ տուժածներ չկան: Դոնբասում իրավիճակի շտկման շուրջ բանակցող խմբի անդամները Մինսկում հունվարի 13-ին կայացած հանդիպմանը հավանության արժանացրին ՌԴ լիազորված ներկայացուցիչ Բորիս Գրիզլովի` հունվարի 14-ին լռության ժամ հայտարարելու նախաձեռնությունը: Այդ համաձայնությունն արդեն յոթերորդն է, վերջինը ձեռք էր բերվել 2015թ. դեկտեմբերի 22-ին: