Թուրքիայի և Եվրամիության միջև գործարքը կարող է խափանվել

Նիկոսիան չի ծրագրում հանել ԵՄ-ին Թուրքիայի անդամակցության վետոն՝ մինչև չստորագրվի Կիպրոսի միավորման համաձայնագիրը: Այս մասին գրում է Politico-ն: Եվրոպական առաջնորդները Անկարայի հետ համաձայնեցրել են գործարքը, որի համաձայն՝ ԵՄ-ն կկրկնապատկի Թուրքիայի ֆինանսական օգնությունը (3-ից դարձնելով 6 միլիարդ եվրո) և կհանի վիզային սահմանափակումները նրա քաղաքացիների համար: Բացի այդ, Անկարան Բրյուսելից պահանջել է բացել Թուրքիայի՝ ԵՄ անդամակցության 5 նոր բանակցային հոդվածներ և արագացնել այդ գործընթացը, եթե Կիպրոսի վերամիավորման համաձայնագիրը ձեռք բերվի՝ նշում է պարբերականը: «Մենք չենք հանի համաձայնագրի այդ կետերի վետոն»,- նշել է Կիպրոսի ԱԳ նախարար Իոանիս Կասուլիդիսը Politico-ին տված հարցազրույցում: Դիվանագետը ընդգծել է, որ իր համար առաջնահերթ են մնում կղզու հունական և թուրքական մասերի միավորման բանակցությունները, և երբ այդ հարցը լուծվի, Կիպրոսի վետոն կարող է հանվել: Կիպրոսը սառեցրել է միգրացիոն ճգնաժամի դեմ պայքարում ԵՄ և Թուրքիայի համաձայնագրի վեց կետեր՝ ներառյալ Անկարայի հինգ նոր պահանջները: Միևնույն ժամանակ պահպանվում է հնարավորությունն առ այն, որ Անկարան և Նիկոսիան կարող են հասնել կղզու երկու մասերը միավորելու համաձայնության: Բանակցություններում ամենաբարդ պահը մնում է Հյուսիսային Կիպրոսից թուրքական զինվորականների դուրսբերման հարցը՝ նշվում է հոդվածում: