ԱԱԾ նորանշանակ պետը նախ լուսանկարները,ապա ֆեսբուքը ջնջեց

Հրապարակը գրում է. Ինչպես արդեն հայտնի է, վարչապետ Նիկոլ Փաշինյանը ԱԱԾ պետ է նշանակել ԱԱԾ Երեւանի քաղաքային վարչության բաժնի պետի տեղակալ, գնդապետ Արթուր Վանեցյանին, իսկ ոստիկանապետի պաշտոնը վստահել է Երևանի փոխոստիկանապետ Վալերի Օսիպյանին։ Հանրությունը միանշանակ չընդունեց այս որոշումները։ Եվ եթե Վալերի Օսիպյանին հանրության մեծ մասը ճանաչում է ցույցերից, ապա Վանեցյանին «չի ճանաչում» անգամ «Գուգլ» որոնողական համակարգը։Այդ պատճառով էլ մարդիկ լծվեցին նրան ֆեյսբուքյան տիրույթում «հայտնաբերելու» գործին։ Ֆեյսբուքում նորանշանակ ԱԱԾ պետը իր մասին քիչ տեղեկություն է գրանցել․միայն ընտանեկան մի քանի լուսանկարներ։ Մինչ մարդիկ նրան ընկերության հայտ էին ուղարկում՝ նրա անձի մասին որոշակի ինֆորմացիա ստանալու համար, Վանեցյանը նախ լուսանկարներն էր հեռացնում, ապա ջնջում ֆեյսբուքյան էջը։