ԵԱ. Միհրան Հարությունյանը և Էդգար Խաչատրյանը դուրս մնացին պայքարից

Ըմբշամարտի Եվրոպայի առաջնությունում պայքարի մեջ մտան հունահռոմեական ոճի ըմբշամարտի Հայաստանի հավաքականի անդամները: 66 կգ քաշային կարգի Միհրան Հարությունյանը որակավորման փուլում 6:4 հաշվով հաղթեց լեհ Գրեգոր Վինկեին, սակայն 1/8 եզրափակչում 2:3 հաշվով պարտվեց լատվիացի Նիկիտա Մաժուկսին և դուրս մնաց հետագա պայքարից: 130 կգ քաշային Էդգար Խաչատրյանը վստահ մեկնարկեց՝ որակավորման փուլում 9:0 հաշվով առավեության հասնելով ավստրացի ըմբիշի նկատմամբ: Սակայն հայ ըմբիշը 1/8 եզրափակչում տուշեով պարտվեց գերմանացի Էդուարդ Պոպին և լքեց պայքարը: ՀԱՕԿ լրատվության բաժին Լուսանկարը՝ ՀԱՕԿ պաշտոնական կայքի