«Նա մեր ցարը չէ» .Ռուսաստանում տեղի են ունենում հակապուտինյան ցույցեր/տեսանյութ/
Ռուսաստանի մի շարք քաղաքներում ցույցեր են ընթանում ընդդեմ նախագահ Վլադիմիր Պուտինի չորրորդ պաշտոնավարման՝ «Նա մեր ցարը չէ» կարգախոսով։ Հիշեցնենք, որ նախօրեին Մոսկվայում, Սանկտ Պետերբուրգում, Չեբոկսարիում, Կեմերովոյում, Տամբովում, Ռյազանում, Կրասնոյարսկում և Կրասնոդարում ձերբակալվել են ընդդիմադիր գործիչ Ալեքսեյ Նավալնիի աջակիցները։ Բողոքի ակցիաներ են անցկացվել Վլադիվոստոկում, Յուժնո-Սախալինսկում, Խաբարովսկում, Տոմսկում, Բարնաուլում, Իրկուտսկում: Նշվում է, որ բողոքի ակցիաների մասին հոդվածի հրապարակման պահին հանրահավաք է սկսվել Նովոսիբիրսկում: Բողոքի ակցիաներն ուղղված են մայիսի 7-ին Վլադիմիր Պուտինի երդմնակալության արարողության դեմ: Վոլգոգրադում աշակերտներին և ուսանողներին ստիպել են ստորագրել մի փաստաթուղթ, որով իշխանությունը տեղեկացրել է «բողոքի ակցիաներին մասնակցելու համար նախատեսված լուրջ հետևանքների, ընդհուպ դպրոցներից և ինստիտուտներից կարգազանցներին վտարելու հնարավորության մասին»: Մոսկվան չարտոնված գործողությունները սադրանք է համարում: Մայիսի 5-ի բողոքի ակցիաները կդառնան հինգերորդը, որն անցկացնում է Նավալնին վերջին մեկ տարվա ընթացքում:
Հետևեք մեզ Viber-ում
