Օբաման`սմարթֆոնների դեմ

TASS-ի փոխանցմամբ` Տեխաս նահանգում ելույթի ժամանակ ԱՄՆ նախագահ Բարաք Օբաման հայտարարել է, որ ամերիկյան ընկերությունները չպետք է արտադրեն այնպիսի բջջային սարքեր, որոնց իշխանությունները չեն կարողանա մատչում ունենալ լուրջ անհրաժեշտության դեպքում: Օբաման ընդգծել է, որ մտադիր չի մեկնաբանել ԱՄՆ արդարադատության նախարարության և Apple ընկերության կոնֆլիկտը` ահաբեկչի iPhone-ը կոդազերծելու կապակցությամբ: Այն, որ յուրաքանչյուր քաղաքացի ունի այդպիսի սարք, Օբաման համեմատել է այն բանի հետ, եթե «յուրաքանչյուրը գրպանում ունենա շվեյցարական բանկ»: Նրա խոսքով՝ դա, մասնավորապես, դժվարացնում է պայքարը հարկերի վճարումից ապօրինի խուսափելու կամ ֆինանսական մեքենայությունների դեմ: