Ընտրությունների ժամանակ վարչական ռեսուրսի օգտագործումը նվազեցվում է. փոխնախարար
ԱԺ-ում «ՀՀ ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին» օրինագծի երկրորդ ընթերցմամբ քննարկման ժամանակ ՀՀ արդարադատության նախարարի առաջին տեղակալ Արթուր Հովհաննիսյանը նշեց,որ այս օրինագծով արգելք է մտցվում ընտրական գործընթացներին, քարոզչությանը, վարչական ռեսուրսների օգտագործման առումով: «Գործող օրենսգրքով այդ սահմանափակումը վերաբերում էր միայն հանրային ծառայության հավակնորդներին, մինչդեռ հիմա տարածքում ենք բոլորի վրա:Այս օրինագծով հստակ կսահմանափակվեն նախընտարական քարոզարշավի ժամանակ վարչական ռեսուրսի օգտագործման հնարավորությունները ոչ միայն թեկնածուների, այլեւ պետական ծառայողների կողմից:Հաշվի առնելով միջազգային փորձը՝ վարչական ռեսուրս ասելով նկատի ունեն ինչպես ֆինանսական, այնպես էլ նյութական, ոչ նյութական ու այլ ռեսուրսները, որոնք ոչ թե մասնավոր, այլ հանրային բյուջեի մասն են»,-ասաց փոխնախարարը: Նա նշեց, որ այս օրինագծով կարգելվի նշված ռեսուրսների օգտագործումը այս կամ այն պաշտոնատար անձանց կողմից ընտրությունների անցկացման ժամանակ այս կամ այն թեկնածուին աջակցություն ցուցաբերելու համար: Այսպես՝ կարգելվի օգտագործել հասարակական եւ ծառայողական տրանսպորտը, բյուջեի միջոցները, տարածքները, կապի միջոցները, տեղեկությունները, ինչպես նաեւ այլ կարգի նյութական եւ մարդկային ռեսուրսները: Նախընտրական քարոզչություն անցկացնելը կտրականապես կարգելվի դատավորներին, իրավապահ մարմինների աշխատակիցներին, դատախազներին, քննիչներին, Ազգային անվտանգության ծառայության աշխատակիցներին, բոլոր մակարդակների ընտրական հանձնաժողովների անդամներին, Հեռուստատեսության եւ ռադիոյի ազգային հանձնաժողովին, Մարդու իրավունքների պաշտպանին,-հայտարարեց նա: «Հաշտարարության մասին» օրենքի նախագծի ներկայացման ժամանակ Արթուր Հովհաննիսյանը նշեց,որ ինստիտուտի ներդրման կարեւորությունը նրանում է, որ ամբողջ աշխարհում վեճերի լուծման այլընտրանքային եղանակները խրախուսվում են, արդյունավետ են, դատարանների բեռնաթափմանը եւ վեճերի արագ լուծմանն են ուղղված: «Օրինագիծը նախատեսում է հաշտարարության սկզբունքները, հաշտարարին վերաբերող կանոնները, իրավունքներն ու պարտականությունները, արտոնագրված հաշտարարի պարտականությունները, արտոնագրված հաշտարարին որակավորում շնորհելու, դրանից զրկելու հիմքերը եւ այլն:Հաշտարարությունն իրականացվում է կողմերի համաձայնությամբ, նաեւ տեղեկացրեց, որ ԱԺ պետաիրավական հանձնաժողովը դրական եզրակացություն է տվել օրինագծին:Եղել են առաջարկներ հանձնաժողովում, որ ընդունվել են, եղել են նաեւ առաջարկներ, որորոնք կներառվեն օրինագծում առաջինից երկրորդ ընթերցման ընթացքում»,-ասաց փոխնախարարը: «Հաշտարարության իրավունքը տալիս եւ դրանից զրկում է արդարադատության նախարարությունը»,-ասաց նա:
Հետևեք մեզ Viber-ում
