«Հանրապետականներն իրենք իրենց թակարդն են գցել». Էդիկ Բաղդասարյան

Հանրապետականներն իրենք իրենց թակարդն են գցել։ Երեկ խորհդարանում համոզեցին, որ երկրում տիրող իրավիճակին չեն տիրապետում։ Իրականում երբեք չեն էլ տիրապետել։ Բայց լավ կլինի գոնե հիմա հասկանան։ Ոստիկանությունն այլեւս բռնությամբ չի կարող ցրել խաղաղ ցուցարաներին, Տարոնի եւ Արշակի եւ էլի մեկ-երկու «պատժիչ» խմբերը փախուստի մեջ են, օլիգարխների թիկնազորները վախից աշխատում են չերեւալ որեւէ տեղ, նույնիսկ թաղային հեղինակությունները, քրեական տարրերն իրենց հետ չեն, ռուսահայ օլիգարխիան այլեւս որեւէ գործընթացի վրա ազդեցություն չունի Հայաստանում, սփյուռքի կազմակերպությունները(Ամերիկայի հայկական համագումար, Հայ բարեգործական ընդհանուր միություն եւ այլն ) ինչքան էլ անատամ հայտարարություններ տարածեն, վաղուց հեղիանկազրկվել են եւ ընկալվում են հանրապետական իշխանությանը սատարող կառույցներ։ Հանրապետականները մի տեղից «օգնության» չեն կարող սպասել։ Ռուսաստանին ինչքան էլ փորձեցին ներքաշել իրենց «պաշտապնելու» գործին, չստացվեց։ Ռուսները հասկացան, որ իրենք էլ պետք է հեռու մնան ձեզանից, հասարակության մեջ վարկանիշ չունեցող ուժից։ Իսկ Քոչարյանի խաղ մեջ հայտնվելը, իսկապես կարող է աննկարագրելի հետեւանքներ ունենալ ։ Դուք պարտվել եք, ընդունեք այդ պարտությունը։ Սերժ Սարգսյանը դա տեսավ, մնացածներդ զարմանալիորեն չհասկացաք։ Բոլորդ հրաժական տվեք։ Հրաժարվեք խորհրդարանից, որ հնարավորություն ունենաք մասնակից դառնալ իշխանությունը հանձնելու գործընթացին, կարողանաք պայմանավորվածություններ ձեռք բերել, կարողանաք մնալ քաղաքականության մեջ։ Քաղաքապետ Տարոն Մարգարյանին էլ խորհուրդ տվեք հրաժարական տա, որովհետեւ Ավանում ցուցարարների նկատմամբ իր «ջոկատի» կատարած բռնությունների առաջինը պատասխանատուն ինքն է։ Երկիրը սպասում է ձեր հեռանալուն։