Zaman թերթի վաճառքները նվազել են 99%-ով

Թուրքական ընդդիմադիր Zaman թերթի վաճառված նմուշների քանակը, իշխանությունների կողմից հսկողության տակ անցնելուց հետո, կրճատվել է 99%-ով, գրում է բրիտանական The Times թերթը։ Ստամբուլի դատարանը հոգաբարձուներ է նշանակել թերթը ղեկավարելու համար։ Պարբերականի լրագրողները կարծում են, որ դա կհանգեցնի թերթի փակմանը: Zaman-ն այն քիչ ընդդիմադիր ԶԼՄ-ներից է, որ մնացել են Թուրքիայում՝ իշխանությունների կողմից ճնշումների աճի ֆոնին։ Նախքան հոգաբարձուներ նշանակելը, թերթի վաճառքները կազմում էին մոտ 650.000 նմուշ, այժմ ընթերցողները գնում են միայն օրական 6.000 օրինակ: «Թերթը, կարծես, մահացել է ուրբաթ երեկո և շաբաթ կենդանացել մեկ այլ մարմնում։ Յուրաքանչյուր օր մենք ստեղծում ենք նյութեր, որոնք չեն հայտնվում տպագրական սարքի վրա»,- ասել է թերթի արտասահմանյան տարբերակի խմբագիր Մուստաֆա Էդիպ Յըլմազը։