Փաշինյանը նշել է, որ հայ-ռուսական ռազմավարական, դաշնակցային հարաբերությունները նույնպես իրողություն են: ՀԱՊԿ հարցում հստակ է ասված, որ շատ օգտակար կլինի փոխադարձ դաշնակցային պարտավորությունների ճշգրտումը ռազմական անվտանգության ոլորտում:«ՀԱՊԿ-ում շատ օգտակար կլինի փոխադարձ դաշնակցային պարտավորությունների ճշգրտությունը ռազմական անվտանգության ոլորտում: Փոխադարձաբար պարտականությունները պետք է հստակ արձանագրենք»,- պատասխանել է Նիկոլ Փաշինյանը:
«ՀԱՊԿ, ՀԱՊԿ, իսկականից դարձրիք Բրյուս Լի». Ֆարմանյանը ցիտում է Փաշինյանին
ԱԺ-ում մեկնարկել է ՀՀԿ խմբակցության հանդիպումը Նիկոլ Փաշինյանի և Արարատ Միրզոյանի հետ: ԱԺ պատգամավոր Սամվել Ֆարմանյանը հարցեր է ուղղել Փաշինյանին՝ ցիտելով Փաշինյանի կոշտ ելույթները ՀԱՊԿ-ի դեմ:
«Եթե Ձեր վարչապետության ժամանակ Մովսես գյուղի ուղղությամբ լինի կրակոց, որո՞նք են լինելու ձեր քայլերը՝ ՀԱՊԿ-ի ուղղությամբ... Ամբողջ օրը ասում ենք ՀԱՊԿ, ՀԱՊԿ, հենց հարձակում է լինում, պարզվում է՝ չէ, ՀԱՊԿ պայմանագիրը այդ գյուղերի համար չի, Մովսես գյուղի համար չի, մի հատ ուրիշ գյուղի համար, մի հատ հասկանանք ՀԱՊԿ-ն ինչ է: Մեր թշնամուն ՀԱՊԿ-ն է զինում, պետք է հստակեցում մտնի, թե ի՞նչ պարտավորություններ ունենք: ՀԱՊԿ պայմանագիրը գնալու է Սևրի պայմանագրի կողքը հանգիստ պառկի: ՀԱՊԿ, ՀԱՊԿ, իսկականից դարձրիք Բրյուս Լի»,- հարցրել է նա:
Հետևեք մեզ Viber-ում
