Ժողովուրդը հաղթեց պայքարում, բայց հաղթեց Նիկոլ Փաշինյանի շնորհիվ. Արսինե Խանջյան
Աշխարհահռչակ կանադահայ դերասանուհի Արսինե Խանջյանը ևս ելույթ ունեցավ Վարդանանց հրապարակում: Նա նշեց, որ իր համար դժվար էր արտահայտել իր զգաղողությունները: «Չեմ կարող նկարագրել այսօրվա զգացողություններս և վերջին 10 օրերի ձեր տարած հաջողությունները: Ես եկել եմ, որ մարմնիս վա զգամ ձեր արած գործի մեծությունը: Մեզ երկար ժամանակ փորձել են համոզել, որ Սփյուռքը պետք է մասնակցի ՀՀ զարթոնքին, բայց մենք չէինք պատկերացրել՝ ինչպես: Մենք միշտ մտածել են, որ պետք է ձեր թիկունքին կանգնենք, ոչ թե թարմություն բերենք, որովհետև այսօր դուք եք այդ թարմություն բերողը: Հավանաբար, բառերով չկարողանամ արտահայտել բոլոր զգացումներս, ձեր արած քայլերի հաջողությունները, ես այսօր այստեղ եմ պարզապես զգալու համար ինձ մեր հայ ազգի անկախության դրոշի տակ: Դուք կարողացաք սփյուռքին համոզել, որ մասնակցեն հայերի անկախության կերտմանը: Դուք եք կարողացել անկախ, ազատ լինելը դրոշմել հայերի անվան վրա, այժմ արտերկրում ոչ միայն հայկական եկեղեցիների, կուսակցությունների ու միջոցառումների մասին են խոսում, այլ հենց հայի մասին, հայի տեսակի ու հաղթանակի մասին»,- հայտարարեց նա: Աշխարհահռչակ դերասանուհին շնորհակալություն հայտնեց Ատոմ Էգոյանի, Սերժ Թանկյանի, Վահե Բերբերյանից, Արա Նազարյանի անունից:Նրա խոսքով՝ ժողովուրդը հաղթեց պայքարում, բայց հաղթեց Նիկոլ Փաշինյանի շնորհիվ, նրան լսելով: «Լսեցիք նրան: Իսկապես մարդկային խոսքով, առանց վայրագ գործողությունների նա կարողացավ բոլորին միացնել»,-նկատեց նա:
Հետևեք մեզ Viber-ում
