Մենք հետքայլ չենք անելու,ճգնաժամը կխորանա .Փաշինյան
« Շատերը հիմա փորձում են ներկայացնել, թե ով լինի վարչապետ։ Հարցն այդ մասին չէ, այլ այն մասին է, թե մենք այս ճգնաժամը լուծելու ենք, թե՝ խորացնում։ Շատ պարզ է՝ եթե Հանրապետականը չի ուզում լուծել ճգնաժամը, ուրեմն այն կխորանա։ Այդտեղ ես որևէ կասկած չունեմ։ Եթե որևէ մեկը մտածում է, որ մենք որևէ պարագայում հետքայլ ենք անելու, պարզապես, սխալվում է։ Չի լինելու նման բան, և ճգնաժամը խորանալու է»,- եթե Հանրապետական խմբակցությունը առաջադրի վարչապետի իր թեկնածուին ու նա էլ ընտրվի, ի՞նչ է անելու Փաշինյանը,ասուլիսում հարց ուղղեցին ԱԺ պատգամավոր, «Իմ քայլը» նախաձեռնության ղեկավար Նիկոլ Փաշինյան,ինչին նա նման պատասխան տվեց: «Մենք թույլ չենք տա, որ «ժողովրդի հաղթանակը որևէ մեկը խլի իր ձեռքից»։ Խոսքը պաշտոնակռվի մասին չէ ,մեր դիրքորոշումը պայմանավորված է նրանով, որ այսօր ՀՀ քաղաքացին «զարթոնք է ապրում»։ Մենք դավաճանած կլինենք այդ շարժմանը, եթե այդ զարթոնքը դե յուրե արձանագրելու համար բոլոր հնարավոր ջանքերը չգործադրենք։ Մենք չենք անելու այնպիսի գործողություն, որը կնսեմացնի քաղաքացու հաղթանակի զգացողությունը», - հավելեց Փաշինյանը։ Մեկ այլ հարցին, թե եթե բացի իրենից, խորհրդարանում ներկայացվի վարչապետի մեկ այլ թեկնածու, ի՞նչ է անելու, Նիկոլ Փաշինյանը պատասխանեց կարճ. «Չգիտեմ»:
Հետևեք մեզ Viber-ում
