Էրդողանի խոսնակի խիստ արձագանքը

Թուրքական Son dakika լրատվական կայքի փոխանցմամբ՝ Թուրքիայի նախագահ Ռեջեփ Էրդողանի խոսնակ Իբրահիմ Քալընը խիստ արձագանք է տվել Թուրքիայում ԱՄՆ նախկին դեսպաններ Մորտոն Աբրամովիչին ու Էրիկ Էդելմանին։ Նախկին դեսպանները համատեղ հոդված էին հրապարակել Washington Post թերթում, որում Էրդողանին կոչ էին արել հրաժարական տալ։ Նրանք գրել էին, որ որպեսզի Թուրքիան դառնա ավելի ուժեղ, կայուն ու ժողովրդավարական, անհրաժեշտ է, որ Էրդողանը կա՛մ փոխվի, կա՛մ էլ հրաժարական տա։ Դրա հետ կապված՝ Քալընը Twitter-ի իր միկրոբլոգում գրել է, որ Թուրքիային կարգադրելու օրերն անցել են։