Խուճապ`Ստամբուլի բորսայում

Թուրքական արժեթղթերի շուկայում The Dude կեղծանունով անհայտ ներդրողը խառնաշփոթ է առաջացրել Ստամբուլի ֆոնդային բորսայում: Նա անհայտ նպատակներով խոշոր խաղադրույքներ է կատարում, սակայն առայժմ չի հաջողվել պարզել նրա ինքնությունը: Այս մասին գրում է Lenta-ն՝ վկայակոչելով Bloomberg-ը: Նա հայտնվել է մեկուկես տարի առաջ եւ առաջին իսկ օրը 450 մլն դոլար գործարք կատարել: Հիմա The Dude-ի գործարքների արժեքը մեծանում է՝ շփոթեցնելով շուկայի մյուս մասնակիցներին, որոնք չեն կարողանում գուշակել, թե նա երբ նորից կհարվածի շուկային: Istanbul Portfolio ընկերությունից Թուրղայ Օզաները մի քանի ամիս շարունակ փորձում է բացահայտել խորհրդավոր ներդրողի ինքնությունը: Սակայն նրա ջանքերն առայժմ ապարդյուն են: BNP Paribas-ի փորձագետ Իշիկ Օկտեն ենթադրում է, որ The Dude-ն օգտվում է առեւտրային ռոբոտներից: 2015 թվականի վերջին Ստամբուլի բորսան տվյալների մշակման նոր կենտրոն բացեց՝ ալգորիթմային թրեյդերների գրավելու համար: