Սիրիայի ընդդիմության առաջնորդները կմասնակցեն ժնևյան բանակցություններին

Սիրիայի գլխավոր ընդդիմադիր խումբը` բանակցությունների հարցով գերագույն հանձնաժողովը, հայտնել է, որ կմասնակցի Սիրիայի հարցով Ժնևի խաղաղ բանակցություններին, որոնք անցկացվելու են մարտի 14-ին: BBC-ն հաղորդում է, որ խմբի հաղորդագրության մեջ նշվում է, որ այն ոչ մի նախնական պայման չի առաջադրում գագաթնաժողովին մասնակցելու համար, սակայն ընդգծում  է «միջազգային բանաձևերի շրջանակներում աշխատելու կարևորությունը»: Բանակցությունների հարցով գերագույն հանձնաժողովն ստեղծվել է անցյալ տարվա դեկտեմբերին:  Հանձնաժողովի կազմում ընդգրկվել է 32 մարդ: Հանձնաժողովում ներկայացված են Ստամբուլում գործող Ընդդիմադիր և հեղափոխական ուժերի ազգային  կոալիցիան, Ազգային համակարգող հանձնաժողովը, զինված խմբավորումներ: