Ադրբեջանի իշխող ընտանիքները մալթիական բանկի միջոցով գաղտնի ներդրումների հետ կապ ունեն

Daphne Project-ի կողմից անցկացված հետաքննության մասին հոդվածը, որում ասվում է, որ Ադրբեջանի իշխող ընտանիքները՝ անանուն սեփականությամբ տասնյակ ընկերությունների ենթադրյալ շահառուները, Եվրոպայում անշարժ գույքը, բիզնեսն ու հյուրանոցներն օգտագործել են ներդրումների համար տպագրել է բրիտանական Guardian պարբերականը:   «Հետաքննության ժամանակ հայտնաբերվել է, որ վերջին 3 տարում մի քանի ընկերությունների ցանցեր մասնավոր բանկեր են օգտագործել Մալթայում՝ Մեծ Բրիտանիայում, Իսպանիայում, Ֆրանսիայում, Վրաստանում և Չեռնոգորիայում ներդրումներ կատարելու համար: Այդ տեղեկության մասին գրել են լրագրողներ Ջուլիետ Հարսայդն ու Սթեֆանի Քիրշհեսները:Այդ ընկերություններից շատերը գործել են Իլհամ Ալիևի և նրա ընտանիքի, ինչպես նաև Ադրբեջանի արտակարգ իրավիճակների նախարար Քամալադին Հեյդարովի որդիների շահերից»,- ասվում է հոդվածում: «Ալիևի աղջիկները՝ Լեյլա և Արզու Ալիևաները, չեն մեկնաբանել: Հեյդարովի որդիների իրավաբաններն ասել են, որ իրենց հաճախորդ ընկերությունները բացարձակ լեգիտիմ և օրինական բիզնես են վարում»,- հավելում է Guardian-ը: Պարբերականը հայտնում է նաև, որ մալթիական բանկը ևս հրաժարվել է մեկնաբանությունից: