Ֆինլանդիայում կքննարկեն եվրոգոտին լքելու հարցը

Ինչպես հայտնում է meduza.io կայքը,  Ֆինլանդիայի խորհրդարանում գրանցվել է նոր խնդրագիր, որը պահանջում է երկրի դուրս բերումը եվրոգոտուց, խնդրագիրը ստորագրել է 53.000 մարդ: Նշվում է, որ փաստաթղթի ներկայացման նախաձեռնությունը պատկանում է ֆինն քաղաքական գործիչ Պաավո Վյայրինենին, ով երկիրը ներկայացնում է Եվրախորհրդարանում: Հարևան Շվեդիայում, որտեղ եվրո չկա, վերջին շրջանում տնտեսությունն անհամեմատ արագ է զարգանում,հայտնել է նա:   Թե երբ է քննարկվելու խնդրագիրը՝ դեռևս հայտնի չէ, սակայն ենթադրվում է, որ դա տեղի կունենա առաջիկա շաբաթներին: Խորհրդարանի կողմից խնդրագրի ընդունման դեպքում` կարող է հանրաքվե անցկացվել:   Սակայն, սոցհարցումների արդյունքները վկայում են, որ Ֆինլանդիայի բնակչության մոտ 60 տոկոսը դեմ է եվրոգոտուց դուրս գալուն: