Սիրիայի նախագահի ընտրությունները պետք է տեղի ունենան 1,5 տարի հետո.Միստրուա
Газета.ru լրատվականը` հղում կատարելով «ՌԻԱ Նովոստի» գործակալությանը հայտնում է,որ Սիրիայի հարցերով ՄԱԿ հատուկ բանագնաց Ստեֆան դե Միստրուան հայտարարել է, որ ՄԱԿ-ը Սիրիայում անցումային կառավարության ձևավորման հարցում առաջընթացի հույս ունի: «Սիրիայի նախագահի ընտրությունները պետք է տեղի ունենան 1,5 տարի հետո:Օրակարգում երեք հարց է դրված, որոնք սահմանված են եղել ՄԱԿ ԱԽ և N 2254 բանաձևի կողմից, որը ընդունել է նաև Ռուսաստանը: Առաջին հարցը` ներառական նոր կառավարության ձևավորումն է: Երկրորդը` նոր սահմանադրությունն է, իսկ երրորդը` ընտրություններն են, որոնք պետք է տեղի ունենան բանակցությունների մեկնարկից 18 ամիս անց, այսինքն` ընթացիկ ամսվա 14-ին: Ինչպես նախագահական, այնպես էլ` խորհրդարանական ընտրությունները պետք է անցկացվեն ՄԱԿ-ի վերահսկողության ներքո», - հայտարարել է Միստրուան: Նա նաև հստակեցրել է, որ մարտի 14-ին Սիրիայի հարցով բանակցությունների առաջին հանդիպումը անց է կացվելու Դամասկոսի պատվիրակության հետ:
Հետևեք մեզ Viber-ում
