Նիկոլ Փաշինյանը կոչ արեց միավորվել
Ազատության հրապարակում ելույթի ժամանակ Նիկոլ Փաշինյանը Հայաստանի բոլոր ընդդիմադիր ուժերին կոչ արեց միավորվել:
Նախ Նիկոլ Փաշինյանը ողջունեց «Մերժիր Սերժին» նախաձեռնությանը, «Հանուն Հայաստան պետության» ճակատին։ Նա նաեւ դիմեց «Ելք» դաշինքի գործընկերներին։ «Այո, հակասություններ ենք ունեցել, վիճել ենք, կռվել ենք, երբեմն վիրավորել ենք իրար։ Բայց ժամանակն է, որ միավորվենք Ազատության հրապարակում, ներենք իրար եւ պայքարենք: Ես ուզում եմ առանձնահատուկ ուղերձ հղել «Ելք» դաշինքի մեր գործընկերներին՝ «Հանրապետություն» եւ «Լուսավոր Հայաստան» կուսակցություններին։ Մենք միասնական ենք մեր պայքարում, Ազատության հրապարակը լեփ-լեցուն է, եւ մենք ուզում ենք ձեզ տեսնել մեր կողքին»,- ասաց նա:
Նրա խոսքով, բոլոր ընդդիմադիր ուժերը պետք է ներեն միմյանց և համատեղ հանդես գան ընդհանուր նպատակի համար:
Հետևեք մեզ Viber-ում
