Թուրքիայում ձերբակալվել է 50.000 ապօրինի ներգաղթյալ

Anadolu լրատվական գործակալության փոխանցմամբ՝ այս տարի Եվրոպա ապօրինի ներթափանցելու փորձի ժամանակ Թուրքիայում ձերբակալված ներգաղթյալների թիվը գերազանցել է 50.000-ը։ Այդ մասին հայտնել են գործակալության աղբյուրները։ Տարեսկզբից ցամաքում ձերբակալված ապօրինի ներգաղթյալների թիվը կազմել է մոտ 35.000 մարդ, իսկ ծովում՝ մոտ 15.000։ Միայն մարտի 3-9-ին առափնյա պահպանությունը ծովում ձերբակալել է 548 ներգաղթյալի, իսկ ժանդարմերիան ու ոստիկանությունը՝ 477 ներգաղթյալի։ Այս տարի Հունաստան հասնելու փորձի ժամանակ Էգեյան ծովում խեղդվել է 183 մարդ։