Կարեն Կարապետյանը շատ ակտիվ է եղել վարչապետի թեկնածության քննարկման ժամանակ

Արդարադատության նախարարի ժամանակավոր պաշտոնակատար Դավիթ Հարությունյանը  լրագրողների հետ զրույցում ասաց, որ  ներքին ժողովրդավարությունը չպետք է շփոթել ժողովրդավարության իմիտացիայի հետ:«Ներքին ժողովրդավարությունը դա այն է, որ մենք ունենում ենք քննարկումներ և բավական լուրջ քննարկումներ: Եվ պարտադիր չէ, որ այդ քննարկումներն ի վերջո դառնան ֆորմալիզացված քվեարկություն:  Դետալների մասին չեմ խոսում, որովհետև դրանք ներքին կուսակցական գործընթացներ են»,- ասաց Հարությունյանը:Դիտարկմանը, որ Կարեն Կարապետյանը հայտարարել էր, որ պատրաստ է վարչապետ աշխատել, սակայն ՀՀԿ-ն փաստացի դա թույլ չտվեց, Դավիթ Հարությունյանը նշեց. «Կարեն Կարապետյանը մեր կուսակցության փոխնախագահն է: Խոսքը վերաբերում է մի մարդու, ով շատ ակտիվ մասնակիցն ու նախաձեռնողն է այդ քննարկումների ևս: Այսինքն՝ նա լինելով կուսակցության առաջին փոխնախագահ՝ ինքը ակտիվ մասնակից ու նախաձեռնող անձանցից է այս քննարկումների»: