Ադրբեջանը գտնվում է վտանգի տակ
Ադրբեջանական իշխանությունների հասցեին խիստ քննադատություններով հանդես գալու համար աշխատանքից հեռացված նախկին դիվանագետ Արիֆ Մամեդովը, ադրբեջանական կառավարության ֆինանսների նախարար Սամիր Շարիֆովի` երեք երկրների` ԱՄՆ-ի, Ռուսաստանի եւ Թուրքիայի գորչակալ լինելու մասին տեղեկությունների հետ կապված հայտարարել է, որ Ադրբեջանը գտնվում է վտանգի տակ, քանի որ մոտ ժամանակում ավելի սարսափելի դավաճանությունների մասին փաստեր ի հայտ կգան:
Այս մասին հաղորդում է minval.az կայքը, Արիֆ Մամեդովը գրել է facebook-ի իր էջում:
«Ռուսաստանյան լավ տեղեկացված հետախույզ Յուրի Շվեցի կողմից տարածաված տեղեկաթյունը այն բանի վկայությունն է, որ մեր երկիրը գտնվում է սարսափելի վտանգի տակ: Հավատացնում եմ, որ երկրի ներսում առկա է մեր պետականության դեմ գործող հեղինակավոր ցանց, որի մեջ մտնում են իշխանության մեջ գտնվող ամենաազդեցիկ անձինք` նախարարներ, փոխնախարարներ, Նախագահի աշխատակազմից բարձրաստիճան բազմաթիվ անձինք, ինչպես նաեւ դեսպաններ», -գրել է նա: Արիֆ Մամեդովը նշել է, որ այդ փաստերի մասին տեղեկացված է եղել ազգային անվտանգության պաշտոնանկ արված նախարար Էլդար Մահմուդովը, որը համապատասխան զեկույց էր ներկայացրել երկրի ղեկավարությանը: «Շատ մոտ ապագայում ջրի երես դուրս կգան ավելի սարսափելի դավաճանությունների մասին փաստեր», -հայտարարել է նա: Եվրամիությունում Իսլամական համագործակցության կազմակերպության նախկին դեսպան Արիֆ Մամեդովը պաշտոնանկ է արվել այն բանի համար, որ երբ հրապարակորեն քննադատել էր իշխանություններին մարդու հիմնարար իրավունքները երկրում խախտելու համար, իսկ 2013 թվականին էլ Ադրբեջանի ԱԳՆ կոլեգիայում ադրբեջանցի դիվանագետներին մեղադրել էր իրենց աշխատած երկրների ներկայացուցիչներին կաշառք տալու մեջ: Էլդար Մահմուդովը ազգային անվտանգության նախարարի պաշտոնից ազատվել էր Ադրբեջանի նախագահ Իլհամ Ալիեւի 2015 թվականի հոկտեմբերի 17-ի հրամանագրով: Անցկացված հետաքննությունների ընթացքում պաշտոնական վարկածով բացահայտվել էր, որ բարձրաստիճան չինովնիկների խումբը երկար ժամանակ հանցավոր գործողություններ է կատարել ձեռնարկատերերի նկատմամբ, ինչի վրա միլիոններ է վաստակել: Նախարար Ալդար Մահմուդովի հանձնարարությամբ եւ ԱԱՆ գեներալների ակտիվ մասնակցությամբ գաղտնասլող սարքերով հետեւել են Ադրբեջանի բիզնես-վերնախավի եւ միջին բիզնեսի հայտնի ներկայացուցիչների գործունեությունը: Հետագայում այդ բիզնեսմենների նկատմամբ հատուկ վարկաբեկիչ նյութեր են հավաքվել, իսկ հետո ԱԱՆ ղեկավարության հանձնարարությամբ հատուկ ջոկատայինների խումբն ապօրինի ձերբակալություններ է անցկացրել:
Հետևեք մեզ Viber-ում
