«Մսագործ»-վիրաբույժ ադրբեջանցին Մոսկվայում հաշմել է կանանց
«Կոմսոմոլսկայա պրավդան» մի սարասափելի դեպքի մասինէգրել,որի զոհն էին դարձել տասնյակից ավելի հիվանդներ: Ռուսաստանի իրավապահ մարմինները՝ քննիչ Գարի Հովհաննիսյանի ղեկավարությամբ քննում են ադրբեջանցի պլաստիկ «մսագործ»-վիրաբույժի գործունեությունը, ում վստահել էին իրենց կյանքն ու առողջությունը: Ադրբեջանի քաղաքացի Էլչին Վելիօղլու Մամեդովը սկսել է վիրահատություններ կատարել դեռեւս 2000-ականների կեսից: 10 տարի առաջ Մամեդովը «Մուզ ԹՎ»-ի աստղն էր, Ելենա Մալիշեւայի հետ նկարահանվում էր «Սարսափելի գեղեցիկ» հեռուստահաղորդման մեջ: Հռչակվել էր պլաստիկ վիրաբուժության նորաձեւ գուրու:
Իսկ 2010 թվականին «Ռոսզդրավնադզորի» պաշտոնատար անձինք Մամեդովին ուղեգիր էին տվել «վիրաբուժություն» մասնագիտությամբ քննություն հանձնելու: Նա 3 էր ստացել եւ շարունակել աշխատել:
2012 թվականին վիրաբույժը դարձել էր ոչ միայն Ռուսաստանի քաղաքացի, այլեւ Մոսկվայում 2 կլինիկաների հիմնադիր: Արդեն այդ ժամանակ Մամեդովի ձեռքով մահացել եւ տուժել էին մի քանի կանայք: Իսկ 2012 թվականին խուզարկությամբ առգրավվել էին Մամեդովի բժշկական փաստաթղթերը, որոնք փորձաքննությամբ կեղծ էին ճանաչվել: Պարզվել էր, որ կանանց վիրահատել է մանկաբույժի ադրբեջանական դիպլոմով մարդը: Իսկ դիմածնոտային վիրաբույժի ռուսական հավաստագիրը կեղծված էր: 2010 թվականին «Կոմսոմոլկան» օգնության է դիմել Ռուսաստանի Քննչական կոմիտեի ղեկավար Ալեսանդր Բաստրիկինին, եւ նա Մամեդովի գործը հանձնարարել է փորձառու քննիչ Գարի Հովհաննիսյանին: «Ներկայումս գործը մերթ կասեցվում է, մերթ մեր ուժերով վերաբացվում: Մամեդովի պաշտպանական կողմը իմ եւ Ռուսաստանի փորձագիտական հաստատությունների դեմ բողոքներ է ներկայացնում: Բանն այն է, որ Մամեդովն ունի ե՛ւ Ադրբեջանի, ե՛ւ Ռուսաստանի քաղաքացիություն: Մենք խնդրել ենք նրան հանձնել: Մեզ մերժել են՝ առաջարկելով նրա գործը փոխանցել Ադրբեջան: Եվ մենք «ոչ» ասացինք: Արդեն թրծված ենք՝ հայրենիքում հանցագործների քրեական գործերն արագ փլուզվում են»,- նշել է Հովհաննիսյանը: Ադրբեջանական լրատվամիջոցները բազմիցս գրել են, որ Ռուսաստանում Մամեդովի գործը հայ է վարում, ուստի նա հետապնդվում է ազգային հողի վրա: Հայտնի է նաեւ, որ 2014 թվականին Էլչին Մամեդովը հեռացվել է Բաքվի Caspian Clinic Hospital կլինիկայից: Հիմա նա աշխատում է Ադրբեջանի ժողովրդական արտիստ Լեյլա Շիխլինսկայայի կլինիկայում:
Հետևեք մեզ Viber-ում
