Կոկանային փսիխոզ, «обижник»-ության բարդույթ․ ԵԾ-ն Բ26 է ուղարկել նախագահների «ախտորոշումները»

Սիրելի հայրենակից, «ԵՐԿԻՐ ԾԻՐԱՆԻ» կուսակցության կանանց խորհուրդը Համահայկական ընդվզման շրջանակներում սկսում է պետական բարձրաստիճան պաշտոնյա հանդիսացող և պաշտոնաթող անձանց, ովքեր Հայկական արդի պետականությանը և հայ ազգին պատճառել են անհաշվելի վնասներ, իսկ պետական կառավարմանը հասցրել են կործանարար հարվածներ՝ դարձնելով այն ձախողված պետություն, համապատասխան հաստատություններ ուղեգրման գործընթաց/ֆլեշմոբ բողոքի ակցիա: 2018 թվականի ապրիլի 3-ին փոստային ծառայության առաքմամբ Երևան, Բաղրամյան 26 են ուղարկվել՝ Ազգային ծանուցագրեր Լևոն Հակոբի Տեր-Պետրոսյանին, Ռոբերտ Սեդրակի Քոչարյանին և Սերժ Ազատի Սարգսյանին «Վարդաշեն» ՔԿՀ ուղեգրելու վերաբերյալ: Լևոն Հակոբի Տեր-Պետրոսյան. Ախտորոշում՝ «Քաջ Նազարի» և գործակալական գենի համախտանիշ։ Խավարի, սովամահության, գաղթականության հարուցիչ։ Վնասարարության և քիրվայամոլության վարակի տարածող։ Գենետիկ ազգատյացություն։ Հետխորհրդային ռեժիմի սպասարկու և տիկնիկավար»: Առանձին/հատուկ խումբ՝ Ավտոկրատ, կոռուպցիոներ, թալանչի, մարդասպան, հող հանձնող: Հիմնական բնութագիր՝** **«Քանի՞ գլխանի եք, որ որոշել եք ազատագրել Շուշին», «Պարտքով եք ապրելու», «Այո, իմ իշխանության ժամանակ կուսակցություն է փակվել, թերթեր են փակվել, դատավարություններ են տեղի ունեցել», «Դա ինքնաբուխ հավաք է, իմ շտաբը այս պահին չի գործում, իմ շտաբը իմ՝ տանից դուրս գալու որոշում չի կայացրել, դա իմ ժողովուրդը չէ» : Ռոբերտ Սեդրակի Քոչարյան. Ախտորոշում՝ Արյունարբության մանյակալ պահանջ (հիվանդությունը հատկապես սրվում է մարտ և հոկտեմբեր ամիսներին)։ Ազգային հարստության թալանի մոլուցք։ Մեծամտական մոլուցք գենդերային հողի վրա։ Ճգնաժամային իրավիճակներում обижник-ության բարդույթ։ Անցյալի թշվառ ուրվականի մշտական և համառ այցելություններ։ Հանքամոլություն: Դրամապաշտություն: Առանձին/հատուկ խումբ՝ Բռնապետ, կոռուպցիոներ, թալանչի, յուրացնող, մարդասպան, գավառամիտ: Հիմնական բնութագիր՝ «Ով է այդ տղամարդը», «Պրիվետ Ռոբ», «Կլիզմա է պետք», «Որոշ պատգամավորների ականջներից քաշել է պետք»: Սերժ Ազատի Սարգսյան. Ախտորոշում՝Կոկաինային փսիխոզ՝ կոկաինային պարանոյայի տեսքով, նախընտրական դեմենցիա, զառանցանքներ, մեծամոլական մոլուցք, խաղամոլություն, սեփական «ես»-ի, տարածության և ժամանակի մեջ կողմնորոշման կոպիտ խանգարում, վեցնոցի համախտանիշ, կոմպրոմատամոլ, քոչվորակիր: Առանձին/հատուկ խումբ՝ Երազախաբ գավառապետ, գող, կողոպտիչ, մարդասպան, չարչի, մարդկային կյանքերը խաղադրույք օգտագործող: Հիմնական բնութագիր՝ «Նարիմանով», ­«Վերջին Բոլշևիկ», «Սրա-նրա գործակալ», «Ինչքան ուզեմ, էնքան կխփեմ», «Ես եմ արգելել հոլովել «Դոդի Գագո» կնիքը», «Խիյարը թարս ա աճում», «Այո՛, ես համարում եմ, որ Աղդամը մեր հայրենիքը չէ»։ Կից ներկայացվում են՝ Լևոն Հակոբի Տեր-Պետրոսյանի, Ռոբերտ Սեդրակի Քոչարյանի և Սերժ Ազատի Սարգսյանի Ազգային ծանուցագրերը և Ուղեգրերը: «Երկիր Ծիրանի» կուսակցության լրատվական ծառայություն 03 ապրիլի 2018 Երևան