Ադրբեջանի պաշտպանության նախարար Զաքիր Հասանովը Թուրքիայի պաշտպանության նախարար Նուրեթին Ջանիքլիի հրավերով մարտի 28-ին պաշտոնական այցով մեկնել է Թուրքիա:
Այս այցի նպատակը՝ Թուրքիայի մի խումբ պաշտոնատար անձանց հետ հանդիպումներն են: Մարտի 31-ին նա թուրքական Գիրեսուն քաղաքում կմասնակցի Ադրբեջանի, Թուրքիայի և Վրաստանի պաշտպանության նախարարների եռակողմ հանդիպմանը:
Զաքիր Հասանովը հանդիպել է Թուրքիայի ԶՈՒ Գլխավոր շտաբի պետ Խուլուսի Աքարի հետ: Հանդիպման ընթացքում քննարկվել են երկու երկրների միջև ռազմական համագործակցությունը և տարածաշրջանի ռազմաքաղաքական դրությունը: Հասանովի այցի շրջանակներում նախատեսվում են հանդիպումներ Թուրքիայի ռազմաքաղաքական և այլ պետական կառույցների ղեկավարների հետ:
Հասանովը հանդիպել է նաև Թուրքիայի պաշտպանական ռազմաարդյունաբերության քարտուղարության ղեկավար Իսմայիլ Դեմիրի հետ։ Կողմերը քննարկել են ռազմա–տեխնիկական համագործակցության զարգացման հեռանկարները և մտքերի փոխանակություն են արել ռազմական արդյունաբերության ոլորտում փոխադարձ հետաքրքրություն ներկայացնող հարցերի շուրջ։
Իսկ երեկ Ադրբեջանի պաշտպանության նախարարն Անկարայում հանդիպել է Թուրքիայի նախագահ Ռեջեփ Թայիփ Էրդողանի հետ: Այլ մանրամասներ հայտնի չեն:
Անկարան ու Բաքուն՝ Ադրբեջանի կողմից ռուսական զենքի դժգոհության վերաբերյալ ռուսական մամուլով տարածված տեղեկատվության ֆոնին կարող են ռազմական համագործակցությունը նոր՝ այլ աստիճանի հասցնել:
Բացի այդ, հիշենք, որ ամիսներ առաջ Էրդողանը «գատնազերծեց» Պուտինի ղարաբաղյան մեսիջն այն մասին, թե՝ Պուտինն առանձնապես հույսեր չունի ղարաբաղյան հակամարտության կարգավորման վերաբերյալ:
Այս ֆոնին Անկարան ու Բաքուն, ըստ ամենայնի, փորձում են տարածաշրջանային հարցերում նոր «ծրագրեր» մշակել՝ նաև ղարաբաղյան ճակատում միասնական դիրքորոշման հարցում, ավելի ճիշտ, այդ դիրքորոշումն էլ ավելի ամրացնելու հարցում:
Հետևաբար, Անկարա-Բաքու վերջին բանակցությունները կարող են անդրադառնալ նաև սահմանային իրավիճակի վրա: Էրդողանն ու Ալիևն այդ կերպ միջազգային հանրության ուշադրությունը կրկին Ղարաբաղի ուղղությամբ կենտրոնացնելու հարցում կարող են ռազմական գործողությունների վերսկսումը դիտարկել:
Մետաքսյա Շալունց
Սեպտեմբերի 11-ին՝ ժամը 12։00-ին, Հայելի ակումբի հյուրն է Արա Վարդանյանը
Սեպտեմբերի 11-ին՝ ժամը 16։30-ին, Հայելի ակումբի հյուրն է թուրքագետ Գառնիկ Դավթյանը
Սեպտեմբերի 11-ին՝ ժամը 14։00-ին, Հայելի ակումբի հյուրն է Հենրիխ Դանիելյանը
Սեպտեմբերի 11-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Սեպտեմբերի 10-ին՝ ժամը 13։00-ին, Հայելի ակումբի հյուրն է Ալբերտ Բազեյանը
Սեպտեմբերի 10-ին՝ ժամը 16։30-ին, Հայելի ակումբի հյուրն է մանկավարժներ Հարություն Աբրահամյանը և Գյուլնարա Ալեքսանյանը
Սեպտեմբերի 10-ին՝ ժամը 15։30-ին, Հայելի ակումբի հյուրն է ավագանու անդամ Սամվել Հակոբյանը
Սեպտեմբերի 10-ին՝ ժամը 14։30-ին, Հայելի ակումբի հյուրն է Էլեոնորա Մանադյանը
Սեպտեմբերի 10-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Սեպտեմբերի 10-ին՝ ժամը 15։30-ին, Հայելի ակումբի հյուրն է Սամվել Հակոբյանը
Հետևեք մեզ Viber-ում
