Արտակարգ իրավիճակ Վայոց Ձորի մարզի Վայքի դատարանում

Այսօր՝ մարտի 29-ին, արտակարգ դեպք է տեղի ունեցել Վայոց Ձորի մարզում: Ինչպես հայտնում է ֆոտոլրագրող Գագիկ Շամշյանը, կեսօրին ուժեղ քամու հետևանքով Վայոց Ձորի մարզի ընդհանուր իրավասության դատարանի Վայք քաղաքի նստավայրի դատարանի շենքի տանիքի մի զգալի հատված պոկվել է և ընկել հարևան բնակելի տան վրա: Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար, զոհեր և վիրավորներ չկան: Ու մինչ դատավորները ծանր ու թեթև կանեին, թե ինչպես հեռացնեն թափված տանիքի թիթեղները, օպերատիվորեն ժամանել են Արտակարգ իրավիճակների նախարարության փրկարար ծառայության Վայոց Ձորի մարզային փրկարարական վարչության և նույն վարչության Վայքի հրշեջ-փրկարարական ջոկատը՝ մարզային փրկարարական վարչության պետ Սամվել Ռշտունու, մարզային փրկարարական վարչության ճգնաժամային կառավարման կենտրոնի պետ Հարություն Մարգարյանի և Վայքի հրշեջ-փրկարարկան ջոկատի պետ Ռուստամ Զոհրաբյանի գլխավորությամբ: Փրկարարները դատարանի տանիքից թափված թիթեղն հավաքել են և սահմանազատել տարածքը: Վնասի չափը պարզվում է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: