Դավիթ Լոքյանն՝ իր պաշտոնանկության մասին
Կառավարությունում լրագրողների հետ ճեպազրույցի ժամանակ տարածքային կառավարման եւ զարգացման նախարար Դավիթ Լոքյանը պատասխանելով հարցին, թե ճի՞շտ են տեղեկությունները, որ տեղափոխվում է Լոռու մարզ, մարզպետի պաշտոնը ստանձնելու, ասաց, որ նման քննարկում չկա: «Մամուլում ամեն ինչ լինում է, մենք մի պաշտոն ստանում ենք, մի օր ազատվում ենք, առ այսօր երևի այդպիսի հարց, գոնե ինձ հետ կապված, չկա», - նշեց նա: Նախարարը հիշեցրեց, որ երեկ իր կուսակցական ընկերները հայտարարել են, որ կուսակցությունը չի քննարկում կադրային փոփոխությունների խնդիր: «Երբ կունենանք նոր կառավարություն, կառավարության ղեկավարը կգտնի, որ ինձ հետ աշխատելու խնդիր կա, դա քննարկելու հարց է, բայց այսօր Լոքյան Դավիթը որևէ խնդիր չունի, ես սիրով կարդում եմ այդ ամբողջը, ժպտում եմ և դրանով ավարտում», - նշեց նախարարը: Հիշեցնենք, որ երկու օր է, ինչ մամուլ քննարկում է կառավարության ապագա կազմը, որը ձեւավորվելու է ապրիլի 9-ից հետո: Հրապարակումների համաձայն՝ Լոքյանի նախարարությունը տրվելու է նախագահի աշխատակազմի ղեկավար Արմեն Գեւորգյանին, իսկ Դավիթ Լոքյանն ուղեւորվելու է Լոռու մարզ:
Հետևեք մեզ Viber-ում
