Կեմերովոյի առևտրային կենտրոնում առաջացած խոշոր հրդեհի զոհերի թիվը հասել է 53-ի. կան անհետ կորածներ /տեսաշար,տեսանյութ/

ՌԴ ԱԻ նախարարության փոխանցմամբ, նախօրեին Կեմերովո մարզում «Ձմեռային բալենի» առևտրաժամանցային կենտրոնում առաջացած խոոր հրդեհը խլել է 53 մարդու կյանք, հաղորդում է gazeta.ru-ն։ Զոհերից  9-ը երեխաներ են, 16 մարդիկ դեռեւս համարվում են անհետ կորած: Վերջին տվյալներով զոհերը 48-ն էին, զոհերի թիվն ավելացել է, երբ մահացած հայտնաբերվել են անհետ կորածներից մի քանիսը: Հրդեհի ժամանակ փլուզվել են ներսում գործող 2 կինոսրահներ։ Փրկարարները շարունակում են որոնողափրկարարական աշխատանքները, ինչպես նաև փլատակների մաքրումը։ Հրդեհի փաստով հարուցված քրեական գործով ձերբակալվել Է 4 մարդ, այդ թվում՝ կենտրոնի տնօրենը և այն հարկաբաժնի վարձակալը, որտեղ տեղի Է ունեցել բռնկումը: Զոհերի ընտանիքները կստանան 1-ական միլիոն ռուբլի փոխհատուցում։ Ռուսական ԶԼՄ-ների փոխանցած ինֆորմացիայի համաձայն, հրդեհի պահին, երբ փակված են եղել ելքերը, որոշ մարդիկ նետվել են պատուհաններից, որոնց, սակայն ոչ բլորին է հաջողվել փրկվել: Պատուհաններից դուրս թռչող մի քանի մարդկանց  նկարահանել են այնտեղ հավաքվածները: Երիտասարդ մի տղամարդ երբ նետվել է, ներքեւում պահված բրեզենտի վրա է ընկել, թեթև վնասվածքներ ստացել, իսկ օրինակ 13-ամյա  մի տղա, ցած թռչելիս չի հասցրել իջնել բրեզենտե գորգին, բախվել է շենքի բազրիքին և մահացել: