Լոռու մարզում 43-ամյա վարորդը Renault մակնիշի բեռնատարով բախվել է կամրջի բետոնե հատվածին և հայտնվել ձորակում. կա վիրավոր. ՖՈՏՈՌԵՊՈՐՏԱԺ

Մարտի 25-ին, ավտովթար է տեղի ունեցել Լոռու մարզում։ Ժամը 23։10-ի սահմաններում Երևան քաղաքի Մալաթիա -Սեբաստիա վարչական շրջանի բնակիչ՝ 43-ամյա Հովհաննես Թումանյանը իր վարած Renault մակնիշի Y 399 ПЕ 26 համարանիշի բեռնատար ավտոմեքենայով Տաշիր-Գոգավան ավտոճանապարհի 1-ին կմ հատվածում դուրս է եկել երթևեկելի գոտուց, բախվել կամրջի բետոնե հատվածին և հայտնվել ճանապարհի ձախակողմյան հատվածոմ գտնվող ձորակում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Հ. Թումանյանը բժշկական օգնություն ստանալու նպատակով տեղափոխվել է «Տաշիր» բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Վահան Էվինյանի, դասակի հրամանատար Գարիկ Մարտիրոսյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանության Տաշիրի բաժին, որտեղից ժամանել է օպերատիվ խումբը՝ քրեական հետախուզության բաժանմունքի ավագ օպերլիազոր Հայրապետյանի գլխավորությամբ։ Փաստի առթիվ ՃՈ 2-րդ սպայական գումարտակի 5-րդ վաշտի ավագ հետաքննիչ Սաֆարյանի կողմից նյութեր են նախապատրաստվում։ քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Ռոբերտ Աբրահամյանի