«Ես ձեզ հետո կասեմ,ուշացնում եք».Վարչապետի հանձնարարականը Շավարշ Քոչարյանին
Այսօրվա Կառավարության նիստում ՀՀ փոխարտգործնախարար Շավարշ Քոչարյանը նշեց, որ Եվրամիությունից ՀՀ-ն ստացել է ծանուցում առ այն, որ 2017թ. նոյեմբերին ստորագրված համաձայնագրի որոշ դրույթներ արդեն կարող են ուժի մեջ մտնել: Կան մի քանի երկրներ, որոնց հետ վիզային ռեժիմները փոխելն ուղղակի որեւիցե վտանգ չի պարունակում, բայց ուշացնում ենք:, հայտարարեց Հայաստանի վարչապետ Կարեն Կարապետյանը: Նա դիմելով ԱԳ փոխնախարար Շավարշ Քոչարյանին՝ նշեց. «Պարոն Քոչարյան, հիշո՞ւմ եք, մենք արդեն խոսել ենք, թե որ երկրների հետ ունենք առանց վիզայի մուտք ու ելք կամ հեշտացված կարգ: Դուք պատրաստե՞լ եք այն երկրների ցանկը, որոնք մենք նախատեսել ենք այս տարի: Տիկին Զեյթունցյան, դուք ԱԳՆ դիմե՞լ եք ձեր հնարավոր հետաքրքրություններից ելնելով որ երկրներն ենք մենք ուզում վիզային ռեժիմները թուլացնել»: Կարեն Կարապետյանը հարց ուղղեց` ՀՀ տնտեսական զարգացման և ներդրումների նախարարության Զբոսաշրջության պետական կոմիտեի նախագահ Զարմինե Զեյթունցյանին` արդյոք կոմիտեն, ելնելով իր գործունեության բնույթից, ներկայացրել է ԱԳՆ այն երկրների ցանկը, որոնց հետ իրենք կցանկանային ավելի դյուրին վիզային ռեժիմ ունենալ: «Մենք ամենօրյա ռեժիմով աշխատում ենք ԱԳՆ-ի հետ: Եվ ամեն ամիս կամ տարի տալիս ենք այն երկրների ցանկը, որոնց հետ ուզում ենք հեշտացնել վիզային ռեժիմը»,- ասաց Զարմինե Զեյթունցյանը: Նրա խոսքերը հաստատեց նաև Շավարշ Քոչարյանը` նշելով, որ աշխատանքները տարվում են:
Հետևեք մեզ Viber-ում
