Էդվարդ Նալբանդյանից ազատվում ե՞ն

Այսօր Ազգային ժողովի պետաիրավական եւ մարդու իրավունքների մշտական հանձնաժողովում քննարկվում էր «Դիվանագիտական ծառայության մասին» Հայաստանի Հանրապետության օրենքում փոփոխություն կատարելու մասին նախագիծը, որով ըստ էության ոչ ֆոռմալ առումով Էդվարդ Նալբանդյանի պաշտոնանկության մասին է: Գաղտնիք չէ, որ Հայաստանի իշխանությունները տևական ժամանակ է՝ փորձում են ազատվել ԱԳ նախարար Էդվարդ Նալբանդյանից: Բայց նա ՌԴ ԱԳ նախարար Սերգեյ Լավրովի սիրելին է, վայելում է նրա հովանավորությունը, և Լավրովը չի ցանկանում Նալբանդյանի փոխարեն այլ մարդու տեսնել այդ պաշտոնում: ՌԴ նախագահ Վլադիմիր Պուտինն էլ 2016թ. օգոստոսին նրան մեդալ տվեց՝ այդպիսով պաշտպանելով սեպտեմբերին նոր ձևավորվող կառավարությունից դուրս մնալու հեռանկարից: Հայաստանի իշխանությունը, չցանկանալով հակադրվել Լավրովին, Նալբանդյանին թողնում է ԱԳ նախարարի պաշտոնում, բայց նախարարության ղեկավարումը հանձնելու են այլ մարդու, որը կոչվելու է գլխավոր քարտուղար: Այս փոփոխություններով, ԱԳ նախարարի տեղակալի պաշտոնը դառնում է քաղաքական պաշտոն, դեսպանի պաշտոնը`վարչական: Խմբագրվել է դիվանագիտական անձնագիր կրելու անձանց շրջանակը. եթե նախկինում չորս կատեգորիայի անձինք կարող էին դիվանագիտական պաշտոններ ստանալ, այժմ`երեք: Ուշագավ է, որ փոխարտգործնախարար Շավարշ Քոչարյանը նիստին ներկայացել էր անպատրաստ, լինելով նախագծի հեղինակ, նա չէր կարողանում պատասխանել պատգամավորների հարցերին;Ի վերջո հանձնաժողովի նախագահ Գեւորգ Կոստանյանը նկատեց. «Հիմա դուք ոչ նախանձելի վիճակում եք, քանի որ մեկ օր առաջ եք օրենքը ներկայացրել»,- Շավարշ Քոչարյանին դիմեց հանձնաժողովի նախագահ Գեւորգ Կոստանյանը: «Պատգամավորները ողջամիտ, տրամաբանական եւ իրավական մտքեր են առաջ քաշում, բայց դուք սպառիչ պատասխաններ չեք կարող տալ»,- շարունակեց Գեւորգ Կոստանյանը`հորդորելով, որ պատգամավորներին այս ընթացքում լուսավորել նախագծի մասին:Սակայն Քոչարյանը հիշեցրեց, որ նախագիծը պետք է անհապաղ ընդգրկել նիստերի օրակարգ, քանի որ պետք է ընդունվի մինչեւ ապրիլի ինը, սահմանադրական օրենք է; «Մենք կարող ենք հիմա էլ դուրս գալ`նստել եւ սկսել աշխատել, բայց դուք հիմա այդ հարցերի պատասխանները չունեք»,- ասաց Գեւորգ Կոստանյանը: Հարցերը վերաբերում էին դիվանագիտական աշխատողների` տնտեսական գործունեություն ծավալ; Նիստից հետո Քոչարյանը հերքեց, թե քարտուղարը հակակշիռ է լինելու նախարարին, նա է վերջինիս փոխարեն որոշումներ կայացնող լինելու: Քոչարյանը չհերքեց, որ քարտուղարի գործառույթները ընդլայնվում են, բայց վստահեցրեց, որ բանը նախարարին հակակշիռ լինելուն չի հասնելու: «Քարտուղարի պաշտոնը՝ որպես դիվանագիտական պաշտոն, ընդլայնվում է, բայց ձեր ասածը կապ չունի փոփոխության հետ»,- ասաց նա: Անի Սահակյան