«Սկրիպալի գործը կքննարկվի ԵԽ գագաթնաժողովի ժամանակ». Մերկել
РИА Новости-ի հաղորդմամբ, Լեհաստանի վարչապետ Մաթեուշ Մորավեցկիի հետ հանդիպման արդյունքներով Գերմանիայի կանցլեր Անգելա Մերկելը ասել է,որ մարտի 22-ին Եվրոպայի խորհրդի գագաթնաժողովի ժամանակ գլխավոր թեմաներից մեկը կլինի Մեծ Բրիտանիայում ռուս նախկին հետախույզ Սերգեյ Սկրիպալի և նրա դստեր թունավորման հետաքննությունը: «Ռուսաստանը պետք է ապացուցի, որ չի կապ չունի Սկրիպալի թունավորման հետ: Հինգշաբթի մենք կքննարկենք այդ հարցը:Մենք կարծում ենք, որ լուրջ տեղեկություններ կան գործին Ռուսաստանի ներգրավվածության հետ կապված, և այժմ Ռուսաստանը պետք է ապացուցի, որ դա այդպես չէ»,- ասել է Մերկելը: Իր հերթին, Մորավեցկին հայտարարել է, որ Մերկելի հետ քննարկել է այդ թեման: «Մենք խոսել ենք Սոլսբերիում թունավոր նյութի կիրառմամբ հարձակման մասին: Մենք համաձայնության ենք եկել, որ ԵՄ-ն պետք է վճռական, և ոչ թե խորհրդանշական պատասխան տա»,- ասել է նա:
Հետևեք մեզ Viber-ում
