Դաժան սպանդ՝ պաղեստինցու կողմից. լուսանկարներ

Թել Ավիվի արվարձանում՝ Յաֆա նավահանգստում, պաղեստինցին իսկական սպանդ է սարքել՝ դանակով հարձակվելով անցորդների վրա, որի հետևանքով վիրավորվել է 10 մարդ, սպանվել մեկ ամերիկացի զբոսաշրջիկ: Բժիշկները հայտարարում են, որ ողջ մնացածներից 4-ը լուրջ վնասվածքներ են ստացել: Այս մասին հաղորդում է The Jerusalem Post-ը: Ամերիկացի զբոսաշրջիկին տեղափոխել են Հոլոնի բժշկական կենտրոն, սակայն նրա կյանքը փրկել չի հաջողվել: Եվս 4 մարդկանց, որոնց թվում է հղի կին, վիճակը ծանր է, մյուս երկուսի վնասվածքերը թեթև են: Հարձակվողը սպանվել է ոստիկանության կողմից: Ոստիկանության ներկայացուցիչների խոսքերով՝ նա նախ հարձակվել է ափին՝ քաղաքի հայտնի զբոսաշրջային գոտում գտնվող 3 մարդու վրա, ապա մտել ռեստորան և վիրավորել ևս 4-ին: Հարձակումը տեղի է ունեցել երեքշաբթի երեկոյան, մարտի 8-ին: Չարագործը հանկարծակի սկսել է վնասել մարդկանց նավահանգստի մուտքի մոտ, որից հետո վազել Թել Ավիվի ուղղությամբ՝ վիրավորելով մի քանի մարդու, այդ թվում՝ ճանապարհին կանգնած վարորդներին: Նշվում է, որ հանցագործը Հորդանան գետի Արևմտյան ափի Կալանդիան գյուղի 22-ամյա բնակիչ է: