Զինյալները Հալեպում բնակելի թաղամաս են գնդակոծել

Սիրիայում ռազմական գործողությունների դադարեցման ռեժիմը մեկ օրվա ընթացքում խախտվել է 7 անգամ: Այս մասին նշված է Սիրիայում հրադադարի հարցերի ռուսական կենտրոնի՝ ՌԴ ՊՆ կայքում հրապարակված հաղորդագրությունում: «Մեկ օրվա ընթացքում հրադադարի ռեժիմը խախտվել է 7 անգամ (Հալեպում՝ 4, Իդլիբում՝ 2, Լաթաքիայում՝ 1 անգամ)»,- ասված է հաղորդագրությունում: Ըստ ՌԻԱ Նովոստիի, գնդակոծության են ենթարկվել Հալեպի Շեյխ Մաքսուդ բնակելի թաղամասը, Իդլիբ նահանգի Ֆուաա եւ Քաֆեր-Հայա քաղաքների բնակելի թաղամասեր: Գնդակոծությունների հետեւանքով 5 տեղի բնակիչ է վիրավորվել: