Նա կրում է անհեթեթ գուլպաներ և արտասվել է կնոջն առաջին անգամ հանդիպելուց.ինչպիսին է Կանադայի վարչապետը/տեսաշար,տեսանյութ/
Բրիտանական The Daily Mail պարբերականն ուշագրավ անդրադարձ է կատարել Կանադայի վարչապետին՝ լիբերալ քաղաքականության «աստղ» Ջասթին Տրյուդոյին, որը հայտնի է տարբեր հարցերի շուրջ իր յուրահատուկ մոտեցումներով:
Աղբյուրը նկատում է, որ Տրյուդոն նորից հայտնվել է համընդհանուր ուշադրության կենտրոնում, երբ նախորդ ամիս ընտանիքի՝ կնոջ ու երեք երեխաների հետ այցելել է Հնդկաստան: Այնտեղ վարչապետն իրեն շատ անկաշկանդ է պահել ու ամեն ինչ արել է հնդիկների համակրանքին արժանանալու համար:
Վարչապետը կնոջ ու երեխաների հետ հաճույքով կրել է ավանդական հնդկական տարազներ, ոգևորված պարել է բոլիվուդյան աստղերի պես ու լուսանկարվել մարդկանց հետ:
ԱՄՆ նախագահ Դոնալդ Թրամփի ճիշտ հակապատկերը համարվող Տրյուդոն առիթը բաց չի թողնում իր՝ հմայիչ ու արտասովոր քաղաքական գործիչ լինելու փաստն ընդգծելու համար:
/cdn.vox-cdn.com/uploads/chorus_asset/file/6169789/Cc9UJZkXEAYjLyt.jpg)
Նա լրջորեն մտահոգվում է բնապահպանական խնդիրների, մոլորակը փրկելու հարցի շուրջ, մեծ ոգևորությամբ Կանադայում ընդունում է ներգաղթյալներին, ակտիվորեն աջակցում է ֆեմինիստական շարժմանը, օրինականացրել է մարիխուանայի օգտագործումը, ձևավորել է գենդերային հավասար կաբինետ, հարմար առիթի դեպքում ի ցույց է դնում յոգայի ասպարեզում ունեցած հմտությունները:
Ամերիկյան Vogue-ը նրան ներառել է Ներկայում ապրող 10 ամենասեքուալ տղամարդկանց ցանկում՝ նկատելով, որ Տրյուդոն «երազանքների քաղաքական գործիչ է»:
Հետաքրքրական է, որ Տրյուդոն կողմ է երկրի ազգային օրհներգը գենդերապես չեզոք դարձնելուն ու տեքստից «որդիներ» բառը հեռացնելուն: Նա նաև նշել է, որ այնպես կդաստիարակի երկու որդիներին, որ նրանք պայքարեն սեքսիզմի դեմ ու աջակցեն ֆեմինիզմին:
Աղբյուրը նկատում է, որ Տրյուդոյի մասին խոսելիս անհնար է չհիշատակել նրա գուլպաները, որոնք միշտ այնքան վառ են ու հետաքրքիր պատկերներով:
Վարչապետը տարօրինակ գուլպաներն առանց կաշկանդվելու կրում է ամենատարբեր միջոցառումներին՝ գրավելով բոլորի ուշադրությունը:
Բադիկներ, եղջերուներ, արաբերենով գրություններ, մուլտհերոսներ և շատ այլ պատկերներ կարելի է տեսնել Կանադայի ղեկավարի գուլպաներին:
Տրյուդոն շատ է սիրում ողջագուրվել, և կապ չունի՝ ով է իր դիմաց՝ որևէ հզոր պետության ղեկավար, թե պարզապես սիրիացի փախստական:
Կանադայի վարչապետը, որին շատ կանայք ընկալում են որպես «մաչո», հիացնում է հմայիչ արտաքինով ու աթլետիկ կազմվածքով:
Նա զբաղվում է բռնցքամարտով, յոգայով: Ի դեպ, մի քանի տարի առաջ համացանցում լայն տարածում էր գտել Տրյուդոյի մասնակցությամբ լուսանկարը, որում նա պատկերված է յոգայում հայտնի «սիրամարգի դիրքով»:
/https%3A%2F%2Fblueprint-api-production.s3.amazonaws.com%2Fuploads%2Fcard%2Fimage%2F41795%2Fslack-imgs-1.jpg)
Հետաքրքրական է, որ նախքան վարչապետ դառնալը՝ 2011թ., Տրյուդոն, մերկապար պարելով, ավելի քան 1.000 ֆունտ ստերլինգ է հավաքել լյարդի հիվանդության հետազոտության համար:
Տրյուդոն հայտնի է որպես օրինակելի ամուսին ու ընտանիքի հայր: Նրա կինը մի առիթով պատմել է՝ ինչպես է Տրյուդոն իրենց առաջին հանդիպման ժամանակ հուզվել ու արտասվել:
«Ես 31 տարեկան եմ ու քեզ սպասում էի 31 տարի»՝ ասաց նա, որից հետո մենք երկուսս էլ սկսեցինք երեխայի պես լաց լինել»,-վերհիշել է կինը:
Ի դեպ, դա միակ դեպքը չէ, երբ Տրյուդոն հրապարակայնորեն արտասվել է: Վերջերս նա չէր կարողացել զսպել արցունքները, երբ ստացվեց հայտնի ռոք երաժիշտ Գորդ Դաունիի մահվան լուրը:
Սակայն, միևնույն ժամանակ, Տրյուդոն, աշխարհին երևալով որպես գերառաջադեմ և հումանիստ, իրականում ընդունում է որոշումներ, որոնք շատ հաճախ հակասում են իր քարոզած սկզբունքներին, գաղափարներին: Ուստի՝ շատերը կոչ են անում չֆիքսվել Տրյուդոյի ստեղծած հմայիչ կերպարի վրա ու տեսնել, թե նա իրականում ինչ քայլեր է անում:
tert.am
Հետևեք մեզ Viber-ում
