Սիրիայից արձակված հրթիռները պայթել են Թուրքիայի տարածքում

Սիրիայից արձակված հրթիռները պայթել են Թուրքիայի տարածքում։ Ինչպես տեղեկացնում է CNN Turk-ը, միջադեպը տեղի է ունեցել թուրքական Քիլիս քաղաքում։ Ըստ նախնական տեղեկությունների՝ արձակվել է 3 հրթիռ։ Դրանցից երկուսը պայթել են դաշտում՝ անմարդաբնակ շրջանում, իսկ մեկը հասել է քաղաքի թաղամասերին։ Վերջին պայթյունից զոհվել է մի քաղաքացի, կա մեկ վիրավոր։ Քիլիսի քաղաքապետի պնդմամբ, սակայն, 7-8 հրթիռ է արձակվել։ Պայթյունների ձայները շարունակվում են։ Քաղաքացիները խուճապի մեջ են։