ՌԴ-ի կողմից Սիրիայի կառավարության վրա ճնշում գործադրելը կարևոր է
Ինչպես հայտնում է gazeta.ru-ն, ՄԱԿ-ում ԱՄՆ մշտական ներկայացուցիչ Սամանթա Փաուերը հայտարարել է,որ ԱՄՆ-ի ղեկավարությունը կարևորում է Ռուսաստանի հետ համատեղ աշխատանքի կազմակերպման հաջողությունները Սիրիայում հրադադարի ռեժիմի հաստատման հարցում և գնահատում է ռուսական ղեկավարության ազդեցությունը սիրիական կառավարության վրա։ ԱՄՆ-ն, սակայն, շարունակում է դատապարտել Ռուսաստանին՝ Բաշար ալ-Ասադի ռեժիմին աջակցելու և Սիրիայում խաղաղ բնակչության դեմ ավիահարվածներ իրականացնելու համար։ «Դրանում մեծ հեգնանք կա. «Ռուսաստանը հայտարարում է, թե պայքարում է «Իսլամական պետության» դեմ, սակայն մենք բոլորս գիտենք, որ նա հարվածներ է հասցնում ԻՊ-ի դեմ պայքարող ուժերին։ Մեր հույսն է, որ հրադադարի ռեժիմը նոր փուլ բացի, որը կնպաստի ԻՊ-ի դեմ պայքարին ու իրավիճակի քաղաքական լուծում գտնելուն»,-ասել է նա։ Փաուերը կարևորել է Ռուսաստանի կողմից Սիրիայի իշխանություններին ճնշելը, ինչը թույլ է տվել մարդասիրական օգնություն հասցնել երկրի շրջափակված շրջաններ։
Հետևեք մեզ Viber-ում
