Պետք է ապագայում կախում չունենանք նավթի գներից. Ալիև

Ադրբեջանի նախագահ Իլհամ Ալիևը 2016թ. կառավարության առաջնային խնդիր է համարել էկոնոմիկայի նավթային ոլորտի զարգացումը և էներգակիրներից կախվածության նվազեցումը: Ինչպես հաղորդում է TASS գործակալությունը, այս մասին Ալիևը հայտարարել է նախարարների կաբինետի նիստին: «Նավթից կախվածությունը նվազում է: Բայց մենք պետք է նվազագույնի հասցնենք այն, որպեսզի ապագայում կախում չունենանք նավթի գներից»,- ասել է նա: Պետության ղեկավարը առաջնային խնդիր է համարել նաև ներդրումների ծավալի մեծացումը: Ալիևը նաև նշել է, որ 2015թ. Ադրբեջանում ներդրվել է 20 միլիարդ դոլար, որի կեսը բաժին է ընկնում օտարերկրացի ներդրողներին: