«էդ մարդը հո Նազարբաևը չի՞». Արամ Սարգսյան
ԱԺ Ելք խմբակցության պատգամավոր Արամ Սարգսյանը կարծում է, որ նորընտիր նախագահ Արմեն Սարգսյան իրեն պաշտոնական մարդու պես էր պահում խորհրդարանում, բայց ընդհանուր տպավորությունը տխուր էր:«Արմեն Սարգսյանն անհատ է, որ անցած ուղի ունի, որ, բացի պատասխաններից, այս հարցում շատ կարևոր եմ համարում նաև մարդու պահվածքը, ինչպես է իրեն պահում, իսկ ինքն իրեն պահում էր պաշտոնատար մարդու կեցվածքով: Բայց ամբողջ տպավորությունը շատ տխուր էր, որովհետև հիշեցնում էր սովետական ժամանակներ»,- ասաց նա: Նա հավելեց, որ նորընտիր նախագահն ամենից առաջ պետք է իր քաղաքացիության մասին փաստաթուղթը բերի, հակառակ դեպքում նրան անընդհատ հիշեցնելու են, որ լեգիտիմ չէ: Ինչպես ասաց՝ Արամ Սարգսյանն իր մեջ արևմտյան արժեքներ է կրում, և այս «նազարբաևյան» ընտրությունը բացարձակ ձեռնտու չէ նրան. «Իմ կարծիքով` «Ելք» դաշինքի «դեմ» քվեարկությունները շատ ավելի ձեռնտու պետք է լինեն Արմեն Սարգսյանի համար, քան էս կոմունիստական ոճի 100%-անոց «կողմերը»: Ի վերջո, էդ մարդը հո Նազարբաևը չի՞»:
Հետևեք մեզ Viber-ում
