«Թողե՛ք մեր հասարակությունը զարգանա. դեղատոմսով դեղերի դուրս գրելը հերթական ճնշումն է». Ռուբեն Հայթյան (video)

«Առողջապահության նախարարությունը աշխատում է միջազգային կառույցների հետ, որոնք ճնշում են մեզ, սպառնալով՝ գրանտ չտալ»,- այսօր Հայելի ակումբում ասաց Սպառողների ազգային ասոցիացիայի փոխնախագահ Ռուբեն Հայթյանը: Բանախոսը մտահոգություն հայտնեց, որ դեղատոմով դեղերի դուրս գրելը կոռուպցիոն ռիսկեր է պարունակում. «Մարդիկ գիտեն, թե իրենց ինչ դեղ է անհրաժեշտ և կարիք չկա անընդհատ գնալ պոլիկնիլիկա: Սա նաև տեխնիկական խնդիրներ է կրում» : Ռուբեն Հայթյանը ավելի շատ կաևորում է մի շարք այլ խնդիրներին լուծում տալը, քան նման օրենքի ընդունումը. «Թողեք մեր հասարակությունը զարգանա: Նախ պետք է նաև մեր առողջապահական համակարգը 100 տոկոսով վստահություն ներշնչի հասարակությանը»: Հիշեցնենք, որ 2018 թվականի մարտի 1-ից Հայաստանի Հանրապետությունում գրանցված հակավարակային (այդ թվում հակաբիոտիկներ), հսկվող և հորմոն պարունակող դեղերը ձեռք բերելու համար անհրաժեշտ է բժշկական կազմակերպության կողմից տրված դեղատոմսի առկայություն` ըստ սահմանված կարգի: Առավել մանրամասն՝ տեսանյութում.