«Սերժ Սարգսյանը լո՞ւրջ էր ասում, թե՞ սեղանի տակ թխի գա էր անում».Ն.Փաշինյանը՝Գ.Հարությունյանին
ԱԺ «Ելք» խմբակցության ղեկավար Նիկոլ Փաշինյանը հետաքրքրվեց Գագիկ Հարությունյանից, թե արդյոք 2014 թվականին երբ իր ներկայությամբ Սերժ Սարգսյանը հայտարարել էր, որ պաշտոնապես այլևս երբեք չի առաջադրվելու ՀՀ նախագահի պաշտոնի համար, իսկ պառլամենտական կառավարման անցման ժամանակ` վարչապետի պաշտոնին, արդյոք չի՞ կատակել։ «Դուք ներկա եք եղել ու լո՞ւրջ էր ասում, թե՞ ընդեղ վերջում հումորային էլեմենտներ կար, կամ սեղանի տակից ասում էր՝ «թխի գա»։ Լրիվ լուրջ եմ հարցնում»,- ասաց Նիկոլ Փաշինյանը։
Գագիկ Հարությունյանը վստահեցրեց՝ նախագահի հետ հանդիպումների ժամանակ չի եղել դեպք, երբ նախագահն իր խոսքն ասի կատակով կամ անլրջությամբ։ «Այդ օրը այդ խոսքը հնչեցնելիս Ձեր բերված այդ սեղանի տակ, սեղանի վրա և այլն, և այլն, նման բան չի եղել, և նախագահը ասել է իր կարծիքը»,-ասաց Հարությունյանը։
Խոսելով ընտրությունների մասին՝ Հարությունյան նշեց, որ ՍԴ-ում ընտրությունների վերաբերյալ եղած վեճերի քննման ժամանակ ՍԴ -ն հայտնաբերել է մի շարք խախտումներ, բայց դրանք չեն եղել այն ծավալով, որ հնարավոր կլիներ ընտրություններն անվավեր ճանաչել։ Խոսելով վստահության հանրաքվեի մասին՝ Հարությունյանն ընդգծեց, որ այդ որոշման համար իրենց աջ ու ձախ քննադատեցին, բայց իրենք միայն կարող էին առաջարկել անցկացնել նման հանրաքվե ու չէին կարող պարտադրել։
Հետևեք մեզ Viber-ում
