Ձմեռային Օլիմպիական խաղերի պատմության ամենատիտղոսակիր մարզիկը

Նորվեգացի դահուկորդ Մարիտ Բյորգենը դարձավ ձմեռային Օլիմպիական խաղերի պատմության ամենատիտղոսակիր մարզիկը։ Հարավային Կորեայի Փհենչհան քաղաքում ավարտին մոտեցող 23-րդ ձմեռային Օլիմպիական խաղերի վերջին օրը 37-ամյա մարզուհին ոսկե մեդալ նվաճեց դահուկային սպորտի ընդհանուր մեկնարկով 30 կմ-ի մրցմանը՝ դառնալով 8-ակի օլիմպիական չեմպիոն։ Դա Բյորգենի 15-րդ օլիմպիական մեդալն էր։ Փհենչհան-2018-ում նորվեգացի մարզուհին նվաճեց 2 ոսկե, մեկ արծաթե եւ մեկ բրոնզե մեդալ։ Խաղերի փակման արարողության ժամանակ նա Նորվեգայի պատվիրակության դրոշակակիրն էր։ Հիշեցնենք, որ մինչեւ այս ձմեռային Օլիմպիական խաղերի պատմության ամենատիտղոսակիր մարզիկն էր նորվեգացի 43-ամյա դահուկորդ Ուլե-Էյնար Բյորնդալենը, որը նվաճել է 13 օլիմպիական մեդալ (8 ոսկե, 4 արծաթե, 1 բրոնզե)։ Նորվեգացի Բյորն Դելին եւս 8-ակի օլիմպիական չեմպիոն է։ NEWS.am SPORT