«Ելք»-ը մերժել է Խոսրով Հարությունյանին
ԱԺ արտահերթ նիստում` Հարկային օրենսգրքում փոփոխություններ կատարելու մասին նախագծի քննարկման ժամանակ, ԱԺ տնտեսական հարցերի մշտական հանձնաժողովի նախագահ Խոսրով Հարությունյանը հայտարարեց, որ 2018 թվականի բյուջեն ռիսկային է և շատ մտահոգիչ կլինի, եթե հընթացս որոշվի այդ բյուջեում փոփոխություններ կատարել: «Գների բարձրացումը էականորեն պայմանավորված չէ ակցիզային դրույքաչափերի բարձրացմամբ, իսկ եկամտային հարկի դրույքաչափերի փոփոխությունն էլ դժգոհություն չի առաջացնի։ Մեր խնդիրը պետք է լինի հասկանալ՝ արդյոք այս քայլով, այս փոփոխությունները կատարելով իրականում կարողանո՞ւմ ենք լուծել, թե՞ ոչ։ Եթե չենք լուծում` ունքը սարքելու փոխարեն աչքը չվնասենք։ Մտահոգությունս սա է», - հայտարարեց Հարությունյանը։ Ինչպես ասաց՝ «Ելք» խմբակցությանը հորդորել է այս փուլում ձեռնպահ մնալ և նախաձեռնությունը չներկայացնել, սակայն մերժում է ստացել։
Հետևեք մեզ Viber-ում
