Վարչապետը նոր խաղի կանոններ է պահանջում
«Սոցիալական պաշտպանության ոլորտում մատուցվող ծառայությունների հասցեականության ու արդարության ապահովման գործընթացում կարևոր դերակատարություն ունի բժշկական սոցիալական փորձաքննություն կատարող հանձնաժողովը:Չնայած նախկինում ձեռնարկած որոշ միջոցների` ներկայումս գործող կարգավորումները, ինչպես նաև նշված հանձնաժողովենրի արդյունավետությունն անբավարար են », - կառավարության այսօրվա նիստում վարչապետ Կարեն Կարապետյանն անդրադարձավ բժշկասոցիալական փորձաքննության ոլորտի խնդիրներին:
«Հանձնաժողովների գործունեության մեջ նվազագույնի հասված չէ սուբյեկտիվ գործոնների ազդեցությունը, հաշմանդամության կարգի տրամադրոման ընթացակարգը պարզ ու կանխատեսելի չէ, լիարժեք չէ հաշմանդամության գործընթացի կազմակերպման ու մոնիթորինգային համակրագը», - ասաց Կարեն Կարապետյանը:
Մեկամսյա ժամկետում համատեղ մշակել ու կառավարության աշխատակազմ ներկայացնել բժշկասոցիալական փորձաքննության ոլորտի որակապես փոփոխմանն ուղղված առաջարկություններ` հստակ անդրադարձ կատարելով փորձաքննությունների կազմակերպման ընթացակարգերի, մոնիթորինգային համակարգի ու բժիշկ-փորձագետին ներկայացվող պահանջների վերանայման ոլորտային պատասխանատվության շրջանակի հստեկեցմանը, ինչպես նաև գործընթացի թվայնացման ու էլեկտրոնային առողջապահության համակարգին համակցման հարցերին,հանձնարարեց վարչապետը Աշխատանքի և սոցիալական հարցերի, Առողջապահության նախարարներին :
«Նախնական մենք քննարկել ենք սա սոցապ նախարարի ու առողջապահության նախարարի հետ, այն ուրվագիծը, որ իրենք առաջարկում են, պրինցիպիալ, որակապես փոխելու է այդ ոլորտը, այնպես որ` մեկ ամսվա ժամկետի մեջ վստահ եմ, որ կստանանք նոր խաղի կանոններ», - ասաց Կարեն Կարապետյանը:
Հետևեք մեզ Viber-ում
