Գերմանիան պարտքերի մեջ չի թաղվի ներգաղթյալների պատճառով

Գերմանիայի կանցլեր Անգելա Մերկելը հայտարարել է, որ երկիրը չի պատրաստվում հրաժարվել առանց դեֆիցիտի բյուջեից ներգաղթյալների հոսքի պատճառով: Նման կարծիք է նա հայտնել Bild պարբերականին տված հարցազրույցում: «Առանց նոր պարտքերի բյուջեն համատեղելի է ծերացող բնակչությամբ երկրների համար, մենք ձգտում ենք նման բյուջեի՝ հայացք նետելով ապագա սերունդներին»,- ասել է Մերկելը: Նրա խոսքերով՝ մտահոգությունները, որ ներգաղթյալների ծախսերը կառավարությունից կպահանջեն պարտքեր վերցնել, «բացառապես անհիմն են»: Մերկելը նաև ասել է, որ փախստականները պետք է հարգեն տեղի կացութաձևը և երկրի օրենքները: Օրինազանց փախստականների համար անհրաժեշտ է շուտափույթ կերպով դատավճիռ սահմանել: