Կադաստրի պետը չի կարող դատարանում ասել՝ «պրիչոսկես լավը չի, մի նկարահանեք նիստը». Մարուքյան
«Այլեւս կադաստրի պետը չի կարող վարչական դատարանում ասել՝ «պրիչոսկես» լավը չի, մի նկարահանեք նիստը: Օրիագիծն առաջարկում է, որ ոչ թե դատական նիստում նկարահանում թույլատրվի կողմերից մեկի միջնորդությամբ եւ բոլոր կողմերի համաձայնությամբ, այլ միայն կողմերի համաձայնությամբ: Գործող օրենքն ասում էր, որ կողմերի համաձայնությամբ պետք է դատարանը թույլ տար, որ տեսանկարահանվեր դատական նիստը, բացյ քանի որ անհրաժեշտ էր կողմերից մեկի միջնորդությունը, լրագրողը դիմում էր կողմերից մեկին, որ նման միջնորդությամբ հանդես գա: Մյուս կողմն էլ տեսնելով, որ միջնորդություն է ներկայացնում, ասում էր՝ այդ լրագրողը կողմնակալ է, ես առարկում եմ: Դատավորն էլ ասում էր՝ կներեք, եթե կողմերից մեկը դեմ է, չենք կարող թույլ տալ:Նոր կարգավորման դեպքում կարիք չկա, որ դատավարության կողմերից մեկը միջնորդություն ներկայացնի»,- ԱԺ-ում «ՀՀ վարչական դատավարության օրենսգրքում փոփոխություն եւ լրացում կատարելու մասին» օրինագծի քննարկման ժամանակ նշեց «Ելք» խմբակցության պատգամավոր Էդմոն Մարուքյանը:
«Առաջարկվող օրինագիծը նաեւ մեկ այլ հարց է լուծում: Եթե օրինակ, կադաստրի պետը եկել է, ու ասում է՝ «պրիչոսկես» լավը չի, մի նկարեք դատավարությունը, նա պարտավոր է լեգիտիմ հիմնավորում ներկայացնել: Տրամաբանությունն այն է, որ վարչական մարմինը չի կարող պահանջել մեզնից գաղտնի դատավարություն, եթե չունի հիմնավորում: Եթե չկա նման հիմնավորում, պետք է լինի դռնբաց դատավարություն»,-ասաց նա:
Հետևեք մեզ Viber-ում
