RT հեռուստաալիքի լրագրողուհին ոստիկանական հարձակման է ենթարկվել

Ռուսական RT հեռուստաալիքի լրագրողուհին հայտնվել է արցունքաբեր գազով հարձակման կենտրոնում, որը կիրառել էր թուրքական ոստիկանությունը Ստամբուլում Zaman թերթի խմբագրության շենքի մոտ:РИА Новости-ի փոխանցմամբ՝ RT-ն հաղորդել է, որ իր թղթակից Փոլա Սլիերը հայտնվել է հարձակման կենտրոնում, երբ ոստիկաններն արցունքաբեր գազով փորձել են ցրել ընդդիմադիր  թերթի  խմբագրության մոտ անցկացվող ցույցը։ Ավելի վաղ հաղորդվում էր, որ Թուրքիայի ոստիկանությունն արցունքաբեր գազ է կիրառել, որպեսզի կարողանա անցնել խմբագրության մոտ հավաքված ամբոխի միջով և շենք մտնել:  Մարդիկ շենքի մոտ հավաքվել են արտահայտելու իրենց բողոքն ընդդիմադիր թերթին պատկանող իրերն առգրավելու և խուզարկելու որոշման դեմ: